Contra

kulla miis sa ligimiisi vihkat ilmäaigu
viht om sannan hää a vihkamine tuu om haigus
vihkamine näütäs et su heng om väega tuuras
vihkamine ilmän sinnu ei tii vaimult suuress
vihatõn sa tõisi silmin oled umbõ matal 
kõrva ligi pääd ku pessäsaanu pinihatal
vihkamine jätt su lõpuss perämädsest ilmä
kurdis jääse kõrva inämb-vähämb pümmes silmä

vihkamisess olõi sinnu ilmä pääle tuudu
inemine kõgepäält om armastusess luudu
vihkamine saadanast ta üüldäs peri ollõv
a no armastus tan ilman om nii illos üllev
