# Väimela Kutsehariduskeskuse (Pihlaka Silvi) keelenõu päring (20.05.2010)
Kohopiimäsüüke edendämine
Piimäpäiv Imaveren, 05. 06. 2010
Pliinikene
3 munna, 5 dl piimä, 2,0 dl nisujauhõ, 0,5 dl kamajauhõ
Sisu: 200g kohopiimä, 300 g suidsuhõrnast, 100 g hapundkuurt, piusa’, püdselehe’, suul, pipõr, tsitronimahl (poolik tsitron)
Tii’ pliinitahas valmis ja küdsä’ tilïokõsõ’ pliini’. 
Sisu tegemises puhasta’ hõrnas är ja lõigu’ väiksis tükes, surbu’ kohopiim läbi sõgla. Sekä’ kokko kohopiim, hapukuur ja kala, panõ’ mano ärtsaetu’ piusa’ ja püdselehe’, maigus panõ’ suula, pipõrd ja värskilt pressitüt tsitronimahla.
Panõ’ sisu pliini keskele ja käänä’ kuvõri muudu kokko; inne ettenõstmist peesütä’ ahon 180°C man nii 5 minotit.

Hiina kapsta-kohopiimätrull
860 g hiina kapstast, 400 g kohopiimä, 120 g riisi, 150 g põrknit, 1 muna, tsitronimahl ½ tsitronist, tsukri, suul, vehverments, piusa’, kolmõkõrdnõhain.
Riis kiitä’ puulpehmes, muna kiitä’ ja tsaka’ vai riivi’ jämme riiviga. Põrkna’ riivi’ jämme riiviga. Hiina kapsta lehe’ külest kakku’ ja lämmistä’ kuuman viin. Kohopiim surbu’ läbi sõgla, panda’ mano põrkna’, muna, ärtsaetu’ supihaina’; maigus panda’ tsitronimahla, suula, tsukrit. Täüdüs käändä’ kapstalehe sisse ja kütsä’ ahon.

Hõrnapala tsitrusõlidsõ kohopiimäsoostiga
1,0 kg hõrnast, palsamiätik, tsukri, suul, pipõr, tsitron, supihaina’, õli.
Suust: 200 g riccotta kohopiimä, 4 dl petti, nii 10 g tsukrit, suul, tsitronimahl (1/4 tsitronist), 1 greip, 1 apõlsiin, fariintsukri, ments
Hõrnas lõigada’ suuperätsis tükes, mariniiri’ ja kütsä’. Soosti tegemises pooda’ kohopiim piinüs, fileeri’ tsitrusvilä’ ja panõ’ üten peti ja maiguandjidõga kohopiimä sisse. Küdsä’ hõrnapala’ ja nõsta’ lavva pääle üten kohopiimäsoostiga. 

Rüätrullpräänik kohopiimä-aiaviläsisuga
5 munna, 2,5 spl rüäjauhõ, 2,5 spl nisujauhõ, suul, tsukri
Sisu: 200 g kohopiimäpastat, 1 keedet muna, 70 g marineeritüt kurki, jämmehe riivitüt verevät piiti, suula, pipõrd, 1 sipul, veiniätik, tsukri, 50 g hapundkuurt, maiguhainu.
Lüü’ munavalgõ ja sora umaette kõvva vatulõ. Sekä’ munasoralõ mano soola ja tsukriga segätüt nisujauhõ, viimätses sekä’ mano vattulüüd munavalgõ, määri’ küdsämispaprõ pääle ütelidselt lakja ni küdsä’ är. Päält küdsämise käänä’ õkvalt trulli ja jahuta’. Sisu valmistegemises sekä’ piinüs tsaat söögikraam kohopiimäpastaga; sisu paksust timmi’ hapnakoorõga; panõ’ maiguhainu.
Jahtunu’ trull käänä’ vallalõ ja võta’ papõr är; määri’ sisu pääle ja käänä’ vahtsõst trulli. Lasõ’ paar tunni saista’.

Kohopiimäsuustõ kolmik
Verrev – kohopiim, piit
Haïas - kohopiim, maiguhaina’
