Kas Su’ raha
sais õigõ kotusõ pääl?

Võru kontori direktri

Taa om asi, midä tulnu’ tõsitsõhe märki’, selle et ao’ muutusõ’ ja kunagi tett otsus raha paikapandmisõs võisõ vana ilma aigo tulus tulla’, a täämbä ei pruugi’ taa inämb nii olla’.
Vahtsõnõ aig, vahtsõ’ võimalusõ’ ja vahtsõnõ raha, miä pia tarvitustõ tulõ , - tuu sund´ meid värskihe üle kaema noid otsussit, midä mi innembüisi olõ tennü’.
Näütüses om üte aastaga nii pall´o muutunu', et täämbä massõtas Eesti krooni hoiusõ iist intressi joba saman suurusvaihõn, nigu om eurohoiussõl, vai esiki' veidemb.
Euro tulõki kimmässaamisõga sai otsa tuu aig, ku devalviirmise pelgüsen massõti Eesti krooni hoiussilõ protsente mano.
Mõtlõma pand ka sääne as´alugu, ku raha sais pikkä aigo nõudmiseni vai tähtaolidsõ hoiusõ pääl, miä periselt om ette nätt lühkeist aigo hoitmisõ jaos.
Niimuudu või raha ostmisõjoud kõvastõ kahanõda’.
Tõisi sõnnoga – Su raha võinu’ pall´o kipõmbahe kassu’, parhilla’ vas´t esiki inflatsioonist maaha jäiä’.

Sääntside muutuisi man olnu’ tark küssü’ hindä käest kattõ asja:
Ku suurt rahatagavarra ma edespite tähtaolidsõ hoiusõ pääl hoitma pidänü?
Määntsit kotussit pangal viil om, kohe ma võinu’ umma rahha panda’?

Kõgõ lihtsämb om näid asjo teedä’ saia’ mi’ välläopnu eräklienditallitaja abiga; ku tä tiid, midä Sul vaia om ja midä Sa hindäle lupa’ võit, sõs tä mõist soovita’, kohe pääle pantust rahast tulnu’ kõgõ suurõmb kasu.
Eräklienditallitaja ammõti päätsihis om rehkendä’ tuuga, midä Sul hindäl vaia om, ja pakku’ vällä, kuis´ saanu kõiki asjo kõrraga joonõ pääl hoita’, nii et tuu Sullõ kassu toonu.
Mi eräklienditallitaja’ avitasõ’ Sul väega suurõ hulga siäst vällä valli’ nimelt säänest muudu ja sääntse riskiastmõga investiirmistoodusõ, nigu Sullõ kõgõ parõmbahe istus.
Pääle tuu mi paku mitmit toodussit näütüses pensioni jaos, vahtsõ kortina sissemassus vai latsõ hariduse jaos korjamisõs.
Taast kõgõst om edesi parõmb kõnõlda joba hindäkesken, ku saa võtta’ käsile Su hindä täpsembä’ soovi’.

Kutsumi Sinno, et Sa pandnu hinnäst nõvvotamisõlõ kirjä mi kodolehe pääl www.seb.ee/kutse vai ligembän SEB kontorin, et muutunu elokõrra man Su rahalõ kõgõ õigõmb kotus löüdä’.

Inne kokkoleppe sõlmmist saa’ tutvas toodusõ nõudmiisiga ja ku vaia, küsü’ nõvvotaja käest.

Võro kontori eräklienditallitaja
