„Mul olõ-i teile midägi anda’. Istkõ’. Ooda’, ma võta tast as´a’ iist är’,“
„Midä sõs? Maja?“
„Ah tuu, tuu maja jah. Sääl om jah midägi, olõ-i joudu olnu’ inämb asju aia’. Liin arvada’ vaidlõs sääl kinkagagi?“
„Ja-jah. Nii taa om. Käve mul tan kõnõlõman. Tahtsõ är’ osta. Küsse paprit. Lugõsi tan dokumente. A ma nigu es taha’ edimält. Ja Tarto ammõdimehe’ kävevä’ tan ja.“
„Tuu Maikel, kiä tan käve vai? Jummal külh,“
„Ega’ mullõ olõ-i kiäki jo midägi kõnõlnu. Esindäjä käve tan kõrra. Tälle oll´ kah suur vaiv nii kavvõlõ tulla’. Ja telefoniga om niiuudu, et tuuga saa-i sukugi asju aia’. Kõnõlõsõ’, et telefon kuts külh, a ma’ olõ-i üttegi hellü kuulnu’. Arvada’ om katski lännü’.“
„Ei, a tä tekk´ hoolõga pilti külh. Paprist ja. Küsse, et kas või. No et mälestüses ja... Mis mul tuu vasta olõma piässi. Tekkü’ pilti ku taht. Küsse perre kottalõ. A kedä mul om? Kõik omma jo mulla all. Küsse sõs mu esä kottalõ ja ... vanaesä kottalõ,“
