Contra

egä päiv om molovihust lukõ tiidüst
miäkist asast pätest ärä viidüst
a ei paista ütski sõnnum tudamuudu
et mõni asi oless tagasigi tuudu

a ku täämbä mõtsan kõndse mõistse õkva
kost om perit traktor midä mehe sõkva
karksi manu kõrrale naid hõiksi
õkvalt autu pääle pagõma nä lõiksi

mootor just läts käümä niigu potin
ku ma müratäden maandusi kapotil
päti tahtse tulla autust vällä
sis ma kipelt autu käändse üle sällä

karmanist sis telehvooni võtse
a no aku kuram är oll kaonu mõtsa
siski tuu päält hädäabinumbre võtse
vaivalt jõudse tetä tuud ku joba kutse

kätte umanik sai kaonu sõiduriista
minnu kõrralikult iks primiirse sis ta
õkvalt poodi manu tulli ähka-ähka
ma joht olla ei saa määnegine nähkä

ku tan külän olemi ütstõse kõrval
ei või kotust olla tülüdel ja tõrval
tulõ sõpru sis ka meelen pitä
ku su hindä elo kõlbas inne kittä
