Riidi, 8. lehekuu pääväl 2015 kell 12 om Setomaal, soomõ-ugri kultuuripääliinah Obinitsah Tarto Ülikooli Lõunõ-Eesti keele- ja kultuuriuurmiisi keskusõ kõrraldõt seto sõnaraamadu seminäär.
Seminääri päämidses tsihis om andaq ülekaehus seto sõnaraamadu kokko säädmise parhilladsõst saisost tüürühmä avaligul kuuholõkil.
Küllä ommaq lubanuq tullaq ka kihnlasõq ja mulgiq, kiä tutvustasõq ummi murdõsõnaraamatit.
# Seto sõnaraamatut naati kokko pandma 2013. aastagal, ku Eesti Keele Instituudi EELexi andmõbaasi tetti seto sõnaraamadu tüükeskkund. Sõnaraamatut tetäs Tarto Ülikooli, Eesti Keele Instituudi ja Seto Instituudi kuuhtüüh.
# Sõnaraamadu kokko säädmist tukõ kultuuriministeeriumi Setomaa kultuuriprogramm.
Seminääri aoplaan
12.00 – 12.05 Seminääri alostaminõ
12.05 – 12.30 „Kolmõ seto murragu sõnavara vaihõq“ (Kaja Teder)
12.30 – 13.20 Seto sõnaraamadu tüürühmä avalik kuunolõk
13.20 – 13.40 Kihnu vahtsõ veebisõnaraamadu tutvustus (Silvi Murulauk jt)
13.40 – 14.00 Mulgi suurõ sõnaraamadu projekti tutvustus (Alli Laande, Kristi Ilves)
14.00 – 15.00 Lõunõsüük
15.00 – 17.30 Huvikäük Obinitsa kandih üteh Kauksi Üllega seto kultuuri- ja kirändüsluulisõlt tähtsit kotussit piten.
Oodamiq sõnaraamadu seminäärile kõiki, kiä ommaq huvitõduq seto keelest!
Seminäärist ossavõtminõ om massulda ja registriirmiseldä.
Sõskiq – kiä tahtvaq lõunõt süvväq, nuuq piässiq iks hindä kirjä pandma aadrõssil eva.saar@ut.ee kõgõ ildampa 4. lehekuu pääväs ja lõunõsöögi raha (6.50 eurot) seminäärile tullõh üteh võtma.
Seminääri kõrraldamist tukõ kultuuriministeeriumi Setomaa kultuuriprogramm 2014-2018.
