Kaika Suvõülikuul saa rektori ammõdiketi

Seo aastak 21. kõrda tulõva Kaika Suvõülikooli rektor Klaasi Urmas saa suvõülikooli aos kaala rektori ammõdiketi, mink tekk valmis metallikunstnik Kama Põvvat Karula Hoiu Ühingu telmise pääle.
Ammõdikett antas suvõülikuulõ kõrraldamisõ iist hää saisjalõ Võro Seltsile VKKF üle riidi, 10. juulil 2009. kell 15.00. Võro Instituudi majan Võrol.
Ammõdikett jääs kooni XXI Suvõülikooli alostusõni XX Suvõülikooli rektori Jüvä Sulõvi kätte.  Seo aastaga rektor Klaasi Urmas saa ammõdiraha hindä kaala Suvõülikooli vallalõtegemisel 7. augustil Oraval.
Edespite hoitas ja kantas ammõdiketti Võro Seltsin valmis tettävä statuudi perrä.
Seoniaoni olõ-i Kaika Suvõülikooli rektoril ammõdiketti olnu.
Ammõdikett om vasõst ja rostõvabast teräsest iloplaat üten Karula kihlkunna vüüga ja tuu mõtõl vällä ja tekk valmis metallikunstnik Kama Põvvat.
Plaadi pääl om pruugit kunstnik Margna Epu Kaika Suvõülikooli XX juubõlis kujondõdu logo.
Egä aastak valitas Võro Seltsi juhatusõn Kaika Suvõülikooli rektor, kiä piät hoitma suvõl augustikuu edimädsel nädälivaihtusõl olõva võrokeelitse ja -meelitse suvõülikooli opitüü vaimu.
Kaika Suvõülikuul oll edimäst kõrda 1989. aastagal Kaikal Karula kihlkunnan ja edespite om suvõülikuuli kõrraldõdu egä suvi aoluulidsõ Võromaa esi kihklkundõn.
Suvõülikuulõ kõrraldamisõ iist sais hää Võro Selts VKKF üten paigapäälitside seltse ja asotuisiga. Ammõdiketi telse Karula kihkkunna luudusõ ja kultuuriperändi hoitmisõs tett mittetulundusühing Karula Hoiu Ühing, kiä oll üts minevä aasta Kaikal olnu XX suvõülikooli kõrraldajist.

Teedüs:

Triinu Ojar
533 22 153
Võro Seltsi VKKF juhatusõ esimiis
www.voroselts.ee

Põvvat Kama
53 993 505
Rektori ammõdiketi tegijä, metallikunstnik

Pille Tomson
53 030 661
Karula Hoiu Ühingu liigõ
www.khy.ee
