Uma Pido laulõ kontsõrt Moostõn
# 25/04/2015 Autor umapido

Riidi, 24. aprillil oll Moostõn rahvamuusikatöötluisi festivali alostusõs kontsõrt 240 lauljaga 10 koorist, kiä laulsõva hulga publiku silmi all 12 võrokeelist laulu.
Mitmõ laulu jaos oll tuu edimäne kooriesitüs, tuu tähendäs, et esitedi uudisloomingut.
Mitmõ’ laulu’ kõnõliva’ mõtsast ja puiõst, selle et tuust kõnõlõs veidü inämb ku aasta peräst tulõv neläs Uma Pido.
Pido kõrraldajidõ jaos oll taa kontsõrt ka katsõlava, miä avitas otsusta, mändse’ laulu’ pidolõ hää’ omma’.
Lava pääl omma’ naisikoori Mai Põlvast ja Tempera Võrolt.
Tervelt nelä kontsõrdilauluga autorina köüdetü Ilvesse Aapo ütel´ päält kontsõrti niimuudu: “Oll’ väkev tunnõ, kõlasi häste, nigu ütles muusika-aasta lõugahus! Kuulda’ olli’ kotussõ’, midä veidü muutma piässi ja kuulda oll´, et mõni laul om joba nii hää, et midägi ei olõ’ vaja muuta.

Näütüses mu puult pido jaos luud laul “Puu’ kasussõ’ korgõs” oll´ kuurõ esitüsen Määri Andrese sääden niipall´o ullimuudu suurõ mõoga ja hää, et ma jää tuud ütsindä esitäden koorilõ selgele ala…”

