Jalgrattamatk
Nüüd joba tavas saanu KL Võromaa maleva Võro malevkunna nelläs jalgrattatrett sai seokõrd teos 24.-26. hainakuul (juulil).

Tiikund panti aiksahe paika, arvõstõn ilma, luudusõ poolõst ilosit paiku ni asjaarmastajilõ pasvat raarasõhust.
Nii alost 17-liikmeline miis-naiskund rõõmsahe peris pikkä 180 km pikkust matkatiid Võrolt pääle naadõn, minnen läbi Otepäält ja Valga liinast.
Kuna kõgõ noorõmba matkalidse vannus oll õnnõ 12 aastakka ja kõgõkogõnõnumba vannusõs mõõdõti päält 70, sõs es saa õkva algusõn  kiirust ni vunki üles võtta.
Matkati rahulidselt, nii et jäi aigu kaia ilosat luudust, armsit inemiisi ku kõkkõ muud, miä kaemist väärse.

„Edimädsel pääväl jõudsemi Otepääle, kos seiklusraa pääl nõstsõmi adrenaliinitaset ja löüdsemi aigu kosutavas puhkusõs,“ meenut matkast ossavõtja Ly Hipponen.
Et sportlik seltskund tahtsõ luudusõ keskel üüd olla, sõs lövveti, et kõgõ pasvam olõs RMK puhkõkotus Otepääl.
Muiduki küdseti õdagu lõkkõ veeren eestläisile umataõs saanu „rahvussüüki“ šašlõkki, serbäti lonks olut, tulõtõdi miilde läbikäütüt matkarata ni praavutati jalahaavu, et järgmädsel pääväl saas edesi rühki.
Tõsõl pääväl käüti Sangastõ lossin ja lossipargin.
Üüd ollimi Sooru järve veeren luudusõ poolõst väega ilosa kotussõ pääl.
Et lämmi järvevesi kutsõ kõiki ujoma, sõs kaiksõgi mõtssalu pia rõõmsist hõikluisist, aien nii linnu ku kihulasõ kavvõndahe järvesuudõ.
Taipsamba matkalidse olliva hää saisnu, et üten võetu kalastusasja ka pruugit saassi -  nii et õdakus oll uhaa egatahes olõman.

#Kolmandal pääväl käüti Valga ja Valka liinan.
#Pikäpääle andsõ väsümüs tunda ni paljodõlõ tull pääle kodoigätsüs.
#Nüüd sündü kimmäs otsus alosta 70 km pikkust kodotiid, minka pääl suuri häti ette es tulõ.
#
#Kõik matka üten tennü Aivar Kaits märkse: „Tehniga oll kõigil häste ette valmistõtu – õnnõ üts kõrd oll vaija rattaketti vaihta.
#Kuna ka ilmavanaga oll aiksahe kokkolepitü, sõs paistsõ kõgõ tiikunna joosul päiv, miä andsõ matkajile perräjätmäldä rahulolõmise ni kuiva rõiva.“
#
#Koton ollõn tunnõti suurt häädmiilt, et kolm päivä egatõ kõrda lätsi.
#Kuna ka matkaja olli egatõ sõbraligu, ütsmiilse ja tõnõtõist tugõva, sõs otsustõdi, et säänest ettevõtmist tulõs tulõval aastal kimmäle kõrrata.
#A tii om sõs kimmäle tõnõ, viilgi huvitavamb – tsihis om Saarõmaa.
#Teno kõrraldajilõ ni malevkunna juhatusõlõ abi iist.
#Vahtsite kokkosaamisteni.
#
#Matkamulje kogosi kokko 
#Uno Minka
#KL Võromaa malev
#Täävituspäälik
