„Kullõ’, ma loe sullõ!” Võro latsiraamadukogon

Timahava peetäs võro keele nädälit 4.–8.11.
Võro instituut kuts 2.–7. klassi opilaisi võro keele nädälil 7. novvembril Võro latsiraamadukokko (Võro, Jüri 54) võro keelen ettelugõmisõ pääväle „Kullõ’, ma loe sullõ!”.
Päiv nakkas pääle kell 13.

Kõik osalõja’ tõmbasõ’ umalõ loosiga proosapala või -kakkõ, mis tulõ ette lukõ’.
Teksti omma’ võetu raamatist „ABC kiräoppus”, „Võrokiilne lugõmik”, Ojari Triinu „Suur must pini”, Kalela Erkki „Kuusõsiimnide minek”, Lemmetty Leevi ja Jukka „Esä poig”, Tannineni Oili „Kuss´o, Moss´o ja Hops´o”, Jaloneni Riitta ja Louhi Kristiina „Aatos ja Sofia”, Nopola Tiina ja Lindmani Mervi „Siiri ja kolm Ottot”; perämädse nellä aastaga „Mino Võromaa” kogomikõst (23–26), perämädse kuvvõ aastaga võrokiilsist Tähekeisist (2008–2013) ja perämädse aastaga Umast Lehest.

Ettelugõjit hinnatas katõn vannusõrühmän: 2.–4. ja 5.–7. klass.

Võigõlusõl hinnatas:
hääd lugõmisoskust;
võro keele välläütlemist;
mõistmist kullõjat haarda’ ja uma jutt tälle arusaadavas tetä’;
kimmäst, julgõt olõkit.

Kõik osavõtja’ saava’ tenokirä ja parõmba’ ka väiku avvuhinna.

Osavõtust tulõs teedä’ anda’ (lugõja nimi, kuul, klass) ildamba 4. novvembril e-posti aadrõssi kaile.kabun@wi.ee pääle.
Inämb teedüst saa telehvoni 525 3215 päält.
