KAMAKÕRD Pokumaal – kolm hääd üten:

Kimmäs tervüs, põnnev opmine ja illos luudus ütekõrraga!

1. oktoobrist – 8. novembrini oodami kõiki 5.–7.klasse POKUMAALE, et näüdäda ligembalt, midä tuu KAMA periselt hindäst kujotas.
Kas kama om aost ja arust vannu talupoigi nõnaesine, minka pääle vilistada ja hõigada: Mul kama! Vai om ta hoobis üle ilma üts umaperätsembid söögiasju, minkaga eestlase' võissi tervüslikkuse poolõst Guinnessi raamatule päseda.  

Osalusprojekt „Kamakõrd“ om mõteldu kõgepäält Vana Võromaa, a ka tõisi kuule 5.-7. klassi latsile, selle et 5. klassi eesti keele ja muusigaoppuse tunnõn tetäs tutvust regilauluga, 6. klassi aoluun vana-aoga ja 7. klassin keskaoga.

„Kamakõrd“ vii külalidse aiga, kos põllutüüd tetti ummi kässi jõul – viläterä' ei tulõ kombaini trumlist ja herne'-ua' konservipurgist, a egä lats saa terri (rügä, kesev, nisu) ja hernit-upõ sõrmi vahel vöörütada ja oppi nail vahet tegema.

Opitass vilju ja söögiriistu võrokiilsit nimetuisi.
Just uma kiil ja miil tegevä ütest rahvast rahva.
Nii tege võrokesestki võroka *uma kiil*.
Pääle tuu muiduki ka muhhe nalameel ja vallalidsõ süämega olõk.
 Küll tuu tulõ kamategemiselt sukka kodugi üten!

Opitas uma käega kamma tegemä – egä lats saa kohviveskin terri esi kamajahuss jahvatada.
Perän saava latsõ umatettüst kamast kõrraliku ja meksä kõtutävve!

Iistlaulja kuts üten laulma Võromaa regivärsilidsi põllutüü- ja söögitegemise laule.
Regilaulumaailm on kistümadult kirrev ja põnnev, kõrrastav ja tervendav, ummajagu ka mõistaduslik.
Tulke, mõistatami kuun!
#

Kamategu tule Pokumaa ammudseaigsel taluasemel Padasuumäel, Puuko tarõn.

Tarre ehk ütte gruppi mahus kõrraga mitte inämb ku 30 last.

Osalusetendüse ommava 01.10. – 08.11.2013 iispäävast riidini.
Kimmäle om vaija hinnäst innemb kirjä panda'.! Algusao omma kell 9.00 ja kell 12.00, a ku kuul suuv ja „kamatiätri“ aoplaan lupas, saa kelläaigaden ka eräle kokko leppi – küsüge julgele!

Massa tulõ egä latse päält 2,- eurut (grupi saatja päses massulda).

Projekti tugõ Rahvakultuuri Keskuse Vana Võromaa kultuuriprogramm.

Kõrraldase Urvaste Külade Selts ja Pokumaa.

Kamakõrda vidävä Ursula Zimmermann ja Mariina Kõller

Pallõmi julgele manu küssü – piämi ütenkuun plaani ja lövvämi lahenduse!

Ettetelmisel saa kävvä ka Pokukuan, opilase pilet mass 2,5 eurut

Gruppe kirjäpandmine ja lisateedüs kõnõtraadilt 56 98 98 18, Ursula Zimmermann ursula@pokumaa.ee
