Võro keele nätäl härgütäs umma kiilt kõnõlama  

7.–13. märdikuul peetäs Vanal-Võromaal 11. kõrda võro keele nädälit. Mõtõ om härgütä võrokõisi uman keelen kõnõlama ja umma keelemõistmist vahtsõndama.

Uma keele nädälil kuts Võro Instituut tegemä võrokeelidsit klipikeisi ja noid YouTube’i üles pandma.
Umma keelemõistmist saava kõik huvilidsõ testi Molovihun Võro Instituudi lehe pääl viktoriinin „Ütski tark ei sata taivast”.

Tüüpäivilde kell 11.30 ja 22.30 loetas Vikerraadion ette Kama Kaido raamatut „Ümbreilma reisikirä” ja 13. märdikuu „Mnemoturniir” om kah võro keelega köüdet.
Star FMi raadion tetäs egä päiv iispääväst riidini kellä 8.05–8.20 veidükese võro keelest juttu.
Sama aol om ka hummogumäng, kon avvuhinnas võrokeelidse raamadu.

Võro keele nädälit peetäs hulga ettevõtmiisiga kõigin Vana-Võromaa latsiaidu keelepesäden.
Koolõn astva opilaisi ette võrokeelidse külälise.
Opilaisi hinnäst oodõtas küllä Põlva talorahvamuusõummi ja Mõnistõ muusõummi, kon saa mänge mängi ja sandikombidõga tutvas saia – võro keele nädäli sisse jääs jo märdipäiv.
Võro kiilt kuuld ka Võro latsiraamadukogon, kon latsõ võro keelen ettelugõmisõn mõõtu võtva.
Valla hõigatas 30. latsi ja nuuri võrokeelitside kirätöie võistlus Mino Võromaa.

11. märdikuul kell 14  omma Kreutzwaldi majamuusõumin võro-eestikeelidse „Kalõvipuja” tõsõ raamadu kaejadsi.

Võro keele nädäli sisse jääs viil sündmüisi, kon om hää ja õigõ kõnõlda võro kiilt: näütüses Uma Meki laat 12. märdikuul Võro spordikeskusõn.
Võro Instituut kuts asotuisi ja ettevõttit üles võrokeelidsit sündmüisi ka mano luuma ja inemiisi muidoki võro kiilt kõnõlama.

Nädäli kotsilõ saa teedüst mano Võro Instituudi kodolehe päält (wi.ee)
#, tel 525 3215 (Kaile Kabun).
