Etteteedüs 29.09.2016

Tulõman om õdagumeresoomõ süküskonvõrents

Õdagumeresoomõ kiili, aoluku ni kultuuri haardva konvõrents om Võro liinan Kandle majan rehekuu 27. –29. pääväni.
Konvõrõndsi ettekandin kaias päämädselt õdagumeresoomõ kiili, kultuuri ni ala parlast saisu, a pututõdas ka minevikku.
Konvõrõndsi kutsutuis ülesastjis omma soomõ-ugri kiili uurja Riho Grünthal Helsingi ülikoolist, keelepoliitiga uurja Anitta-Viinikka Kallinen Tromsø ülikoolist, liivi keele uurja Eberhard  Winkler Göttingeni ülikoolist, arkeoluug Valter Lang Tartu ülikoolist ja rahvaluule uurja Andreas Kalkun Eesti Rahvaluulõ Arhiivist.
Lisäs näile saa kuulda tõisi Soomõ, Vinne ni eesti uurjidõ ettekandit õdagumeresoomõ kiili ni kultuuri kotsilõ.

Konvõrentsi täpsämb kava om kutsõ man, a kavva saa kaija ka Võro Instituudi lehe päält:  http://wi.ee/et/tegemised/konverents-2/
Konvõrentsile tulõjal pallomi hinnäst kirja panda ildamba 15. oktoobris aadressil https://form.jotformz.com/71763141648

Seo aastaga konvõrendsiga saa jo katskümmend aastakka täüs, ku Vana-Võromaal om sügüselde rahvidevaihelist väikuide kiili ja kultuure teemalisi konvõrentse peetü.
Konvõrentsel luudu sideme omma avitanu võrokõisi ja võro kultuuriruumi tuntus tetä nii õdagumeresoomõ maaden ku õuruupa väikuide keeli ja rahvide hulgan.
#Tiidüsline tugi, ütenkuun asju arotamine ja lahenduisi löüdmine avitas väikuil kiilil ja rahvil, säälhulgan nii võrokõisil ku eestäisil elojõun püsüdä.

Konvõrõntsi kõrraldasõ Võro Instituut, Tarto ülikooli eesti ja üldkeeletiidüse osakund ja keeletiidüse, filosoofia ja semiootika doktorikuul.
Toetase riikline programm „Eesti keel ja kultuurimälu 2014–2018“ ni Euroopa Liidu Regionaalarengu Fond (Tartu Ülikooli ASTRA projekt PER ASPERA).
 
Täpsämbat teedüst saa Külli Eichenbaumi käest:
#
#Tel: 56611924
#kylli.eichenbaum@wi.ee
