Peeter Järvela, 49 a. ehitüstüüline:

Kuld ei olõ' mu' metall.
Kae', seo sõrmus, uno perändüs, om ainukõnõ, miä mul kullast om.
Usk, loodus, armastus om sisse uurõt.
Elo kuld om vast tuu, ku 25 aastakka om naasõga kuun elet.
Vet hää naanõ om nigu mehe kaal, käänd mehe pääd õigõlõ poolõ.

Jah, latsõ' kah.
Ega' nõuka aol ilma perreldä' ei olõs midägi saanu'.
Olõski ütiselämiste elämä jäänü'.
Ku pere' tull, sõs sait vai koopõratiivkortina järekõrdagi.

Ah muld vai? Aiatüü tege koton ämm ärä'.
Timäle õkva miildüs pinnärde vaihõl toimõnda'.
A uma imä om mul mulla all.
Tahtsõ õks vaba Eesti mulda matõtus saia'.
Ja sai kah.
