Hää' laulu ja Uma Pido sõbra'!

Õkvalt-õkvalt saa valmis IV Uma Pido DVD! Tuud näüdätäs puulpäävä, 1. oktoobril kell 17 Varbusõ Muusikamõisa aidan.
Kaemi valitu kotussit DVD päält ja laulu võtva’ iist Meelika Hainsoo ja Lauri Õunapuu.
Näütämi ka Uma Pido sõbra Alo Ritsingu vahtsõt noodiraamatut „Tuul laulis…“ Serpämi tsäid ja haukami pääle ka!
Kõik omma’ oodõtu!
Piledirahha ei küsütä!
Sündmüse plakati lövväti siist.
Uma Pido filmi om katõ plaadi jago:
- I plaadi pääl om nätä momente üten intervjuudõga: rahvalauluõdagist inne pito; pidopääväl olnud laadust; pidokontsõrdi pääproovist ja pido sümbolpillist ritsikpillist.
- II plaadi pääl om pido pääkontsõrt täüspikküsen ja ka mitmõ’ intervjuu’ päält kontsõrti olnu simmani aigu.
DVD tutvustamisõs tett lühküt filmijuppi saa kaia’ siist.
DVD ülesvõtmist ja filmissaamist tugõsiva’ Kultuuriministeerium, Hasartmängumassu Nõvvokogo ja Rahvakultuuri Keskusõ Vana Võromaa kultuuriprogramm.
Uma Pido topõlt-DVDl om sõbrahind 6 eurot kooni 30. septembrini telmist teten ja ka esitlüsel 1. oktoobril.
Perän 1. oktoobrit om komplekti hind 8 eurot.
Telmises tulõ täütä telmise tapõl (parõmb, ku üte koori telmine olõs üten tabõlin) ja saata tuu aadrõsi triinu.laan@wi.ee pääle.
Kätte saa DVDsid alatõn 1. oktoobrist.
DVD-näütämisega samal pääväl, 1. oktoobril kell 19 om Varbusõ Muusikamõisan suur suvõlõpu välikontsõrt "Laul läts mõtsa" üten Mõtsatöllu, Ummamuudu ja projekt-kunnakooriga. Kae’ kontsõrdi lehte FBn ja Muusikamõisakodulehte. Kell 16-17 kotussõpääl kontsõrdipileti’ soodushinnaga 8 eurot!
Dirigent Kalev Lindal Varbuse Muusikamõisast uut kontsõrdiprojektin üten lüümä kõiki lauljit.
Kuun tetäs projekt-kunnakoor "Mõtsamuudu Kunnakuur", et anda' ja saia' kontsõrdist ossa.
Laulmisõlõ tulõva' Uma Pido popurrii, Puu' kasussõ' korgõs, Võromaa laulu', Kõnõtraat, Oma laulu ei leia ma üles, Haanja miis.
Tan om teedüs ja kirjapandmisvõimalus 1. oktoobri Mõtsamuudu Kunnakoorin ütenlüümise kottalõ.
Varbusõl näemi! Laulmisõni!
Triinu Laan
Uma Pido projektijuht
Võro Selts VKKF
tel 5332 2153
triinu.laan@wi.ee
Uma Pido kodoleht.
Uma Pido aoraamat (blogi).
Uma Pido Moloraamatun (FBn).
