Häie mõttide kogomise tsõõr

Arõndusplaani Vanal Võromaal 2014-2023

Idee-tsõõri mõttõs om korjada projektiplaanõ Vana Võromaa arõnguprogrammi ellokutsmise jaos.
Siseministeeriumi regionaalministri büroo uut plaane järgmädse 10 aastaga tsihte kotsilõ ja toetas projekte ettevalmistustüüd.

Vana Võromaa arenguprogrammi päätsihis om tukõ ettevõtlust, miä om köüdetü Vana Võromaa kultuuriperändi, paikligu elo ja luudusvaraga ja härgütäs seo kandi majandust, and manu tüükotussid.
Peipsiveeren ja Setomaal omma arõnguprogrammi ummi tegevüsplaanega ja riigi rahatoega joba käümän.

Häie mõttide tsõõri tulõ saata projekte või plaanitu tegemiisi vallakirotus ja näüdädä, mändse tüü vai tegemise jaos ja kui pallo rahatukõ vai mõnt muud tukõ olõs vaia.

Oodõtas ideesid, mis 
avitasõ järgmädse kümne aasta seen hoita vai parõmbas muuta Vana Võromaa inemiisi elojärge
andva tüüd ja leibä paikkunna inemiisile, kiä tiidvä kohalikkõ kombit ja mõistva tetä paikkunna traditsiooni jakkavaid tüüsid
toetasõ paikkunnan tavas olnu eloviie edesipüsümist
hoitva alalõ vai tegevä manu tüüvõimaluisi ettevõtlusen sh pere-ettevõttin, eloviie-ettevõtlusen vai kogokunna elo edendämisel
muutva paikkunda nuuri jaos parõmbas elämise ja tüütegemise paigas
ehitäse üles kuuntüüvõrgustikke vai ütistegevüst mõnen tegevusvaldkunnan 
haardva üten nuuri ja oppasõ näid tüüd tegemä, härgütäse ettevõtlusen kätt pruuvma
tegeva tugõvambas ja tuntumbas Vana Võromaa keele- ja kultuurikeskkunda, nõstva hindätiidmist

Ummi mõttit ja märgotuisi võiva vällä pakku tegosa inemise, ettevõtja, ettevõtjide ütisüse, mittetulundusütisüse, kogukunnaelo edendäjä, umavalitsusõ, nuuri-ütissüse, arõndusorganisatsiooni, tiidüsasotusõ ja haridüsasotusõ.

Idee´ ja plaanitava tegemise tulõ etteantu vormi perrä kirja panda ja saata Võro Instituuti.
Ideede kogomise tsõõr om valla rehekuu algusõst märdikuu 1. pääväni (1.10-1.11.2013).
Teedüs programmi kotsilõ ja idee esitamise vorm om Võro Instituudi kodolehe pääl: http://www.wi.ee/index.php/vana-voromaa-arengu-programm 

Projektiplaane saatnuide vaihel loositas vällä ummi meelüssit.

Märdikuu joosul kaes programmi ettevalmistav juhtnõvvukogo kõik korjunu idee ni välläpakutu plaani läbi ja pand noist kokko tegevuskava.
Vällä märgitas sändse tegemise, miä sünnüse kõge parembahe kokko programmi tsihtega.

Idee-tsõõrist tulnu plaane ja vällämärgit tegevuisiplaani arotadas ütenkuun tegijadega jõulukuun.
# Tuu jaos kutsutas kokko tsõõriklaud, kohe võiva tulla kõik, kiä seo asjaga köüdüst tundva vai kinkalõ asi huvvi pakk.

Vana Võromaa arõnguprogrammi vällämärkmist alostiva Vana Võromaa umavalitsuse, maavalitsuse ja Võro Instituut. Ütenkuun regionaalministri bürooga kõrraldadas idee-tsõõri ni tegevusplaani kokkopandmist, tuu jaos om raha andnu regionaalministri valitsemisala.

Küsü mano: Külli Eichenbaum, tel 56611924, e-post kylli.eichenbaum@wi.ee

Idee esitamise vorm (rtf)
