Raamat
OLIVIA JA ESIMENE MAAILM
Kerttu Soans
Väike Vanker, 2003

Lugõsi imägaq kuun raamatut „Olivia ja esimene maailm“.
Imä lugõsi tuud mullõ ette, selle et maq esiq mõista viil õnnõ tsipakõsõ trükütähti lukõq.
Taan raamatun om Olivia.
Timä om tütärlats´ ja ma arva, et tä om minost veidüq noorõmb.
Olivial om pini Kruubi-Ruudi.
Imä ja esä ommaq täl kah.
Olivia meelest om Kruubi-Ruudi pässäpikkõ kuninga hopõn´.
Mõnikõrd Oliviagaq ka veidüq pahandõdas.
Imä ja esä mäng´väq ka timägaq.
Üts´kõrd pandsõ imä hindäle sukapüksiq pähäq, et timäl olõssiq kah niguq pikäq hiusõq ja sõs tä tandsõ Oliviagaq.
Üts´kõrd nä mängseq, et näil ommaq mängult taldriguq ja et näil om sääl pääl süük´ ja sõs nääq paksõq tuud süüki üts´tõsõlõ.
Süük´ oll´ väegaq hää.
Olivia käü imä ja esägaq egäl puul mere veeren ja kontsõrdil.
Näil käü mõnikõrd ka lell külän.
Lell om esä veli.
Olivia näge egäsugutsit huvitavit asjo.
Et pann´kuukõ pääl om maastik ja et meren ommaq vatust jänesseq.
Maq näe kül tõistsugutsit asju, a imä ütles, et nuuq ommaq ka huvitavaq.
Taa raamadu pilte oll´ hää kaiaq.
Ku kai algul, näi ütsi asjo ja ku kai kavva, sõs oll´ viil tõistsugutsiid asjo ka nätäq, midä algusõn es näeq.
Kõgõ inämb miildüväq mullõ jutuq „Olivia ja tiivad“ ja „Olivia ja muusika“.
Tõsõq latsõq piässiq kah taad raamatut lugõma, selle et taa om torrõ.

Richard Ojar (6 a.)
Jutu pand´ kirjä timä imä Triinu.
