Minevä aasta joulukuun kutsõmi Uma Pido sõpru üles andma hellü Umalõ Pidolõ, ku valiti aasta turundustähte.
Olõmi listi lugõjilõ võgu tulõmusõ': Uma Pido 2013 oll' Aasta Turundustähe valimisõl edimädse kuvvõ hulgan.

Turundusraadio and' vällä Aasta Turundustähe tiitli, mink sai ansambli Winny Puhh uma rahvusvahelidse tähelinnu iist. Tõsõ kotussõ sai tudengisatelliidi ESTCube kosmosehe saatminõ ja kolmas oll' kinnisvarafirma LVM kampaania.

A edimädse kuvvõ hulgan olli' viil "Uma Pido 2013", suurõ' Navitrolla maali' Võrol kortinamaiu sainu pääl ja telesaadõ "Su nägu kõlab tuttavalt".

Kokko kandidiirse Turundusraadio aasta turundustähe tiitli pääle 34 erinevat asja, miä 2013. aastaga joosul olli' raadiolt saanu nädäli turundustähe tunnustusõ.

Turundusraadiot saa egä tõsõpäiv kullõlda aadrõsi www.mi.ee/turundusraadio päält ja tuu om internetiraadiosaadõ, kon kõnõldas turundusõst ja müügist, tunnustadas turundajit ja avitadas turundusnõvvoga.
Saadõt tege marketingi instituut.

Uma Pido kõrraldaja' tennäse' kõiki pidolõ uma helü andnu inemiisi. Suurt rõõmu võimi tunda tuu üle, et edimädse kuvvõ hulgan oll' kogoni kolm Vana Võromaaga köüdetü asja - tunnustusõ saiva jo nii Põlvast alostusõ saanu bänd, Võro liinapildi ilostaminõ võrokõsõst kunstnigu piltega ku võrokõisi suur pido Uma Pido.

Mari-Liisa Parder,
# Uma Pido suuvuudrõ
tel: 50 52 517
mariliisa.p@gmail.com
skype: mari-liisa
