Konvõrents

Kutsõq konvõrendsile
KIRÄNDÜS/KIIL veidembüsen 
30. rehekuu – 1. märtekuu pääväl 2008 Võro Kandlõn

Võro konvõrents käü riikevaihõliidsi kultuuri- ja keelekonvõ­rent­se ritta, midä Võro Instituut ja Tarto Ülikuul ommaq kõrraldanuq 1996. aastagast pääle.
Timahavvatsõl konvõrendsil kõnõldas kirändüse, keele ja ütiskunna köüdüssist.
Konvõrendsi tsihis om edendäq Eesti ja naabrimaiõ kirändüs- ja keeletiidläisi mõttõvaihtust ni tetäq väikeisi kirändüisi tunnõtumbas.
Konvõrendsi tüükeeleq ommaq õdagumeresoomõ keeleq.

Konvõrendsile oodami ettekandit kirändüisist/keelist, miä ommaq mõnõ suurõmba kirändüse/keele seen vai kõrval; miä kaesõq vähämbä kirändüse vaihõkõrda inämbüs- ja/vai rahvuskirändüsega ni vähämbä keele tekste suurõmba keele mõovälän.
Oodõduq ommaq ka kirändüse/kirändüisi staatusõ arotusõq, miä pututasõq kirändüse ja tõisi kunstõ vai meediäkanalidõ vaihõkõrdo.
Oodami ettekandit teemadõ pääle:
· saami, udmurdi, vepsä, kveeni, eestivinne, lõunaeesti vms kirändüseq
· eksiil kirändüsen ja kirändüs eksiilin
· vanno ja vahtsidõ tekste (näütüses vanno päävä­raama­tidõ ja vahtsidõ võrgopääväraamatidõ) mitmõsugumadsõq seletüstasandiq
· mitmõkõrralinõ hindä­pidä­mine kirän­dü­sen ja keelen
· mitmõkeelisüs aokirändüsteksten
· keelemaastiguq (näütüses mitu kiilt avalikkõ silte ja tekste pääl)
· kolonialism ja postkolonialism kirändüsen
· etnofuturismi tõõsõndõlõminõ

Konvõrendsi 1. teedüskiri võro   ja soomõ keelen
Kirjäpandmisleht   
