VÕROKEELINE XV LUULÕLUGÕMISVÕISTLUS ARTUR ADSONI AVVUS 

Võrokeelidse luulõ lugõmisõ võistlusõl võiva’ luulõtuisi lukõ’ kõiki aoluulidsõ Võromaa kuulõ ja latsiaidu eri vannusõn latsõ’
Egä kooli/latsiaia lugõja kand ette üte pala - Artur Adsoni luulõtusõ vai mõnõ tõõsõ kirotaja võrokiilse luulõtusõ
Lugõmisõ pikkus ei või’ olla’ üle viie minodi
Hindaminõ käü nellä vannusõrühmä perrä: latsiaid-I kl, II-IV kl, V-IX kl, X-XII kl
 Ku latsiaia-iäliidsi ei juhtu tulõma, sõs om vannusõrühmäs I-IV klass
Egäst latsiaiast vai koolist oodami ekkä vannusõrühmä ütte ütsikut esinejät vai kooni 4-liikmõga rühmä
Ütest koolist vai latsiaiast ei saa’ võistlusõlõ tulla mitu üte vannusõrühmä kavva
   
Artur Adsonilõ (1889-1977) pühendet umakeelidse loomingu ettekandmisõ võistlusõ mõtõ om edimäst suurt võrokeelist luulõtajat miilde tulõta’ ja lukõ’ tõisigi kiränikõ võrokiilset loomingut
Edimäne luulõvõistlus oll  Sännän jo 1999. aastagal Artur Adsoni 110. sünnüaastapäävä avvus
Timahavva 3. radokuul sai Adsoni sünnüst 125 aastakka, teos saa XV timänimeline ilolugõmisvõistlus.

Koolõn ni latsiaiun võissi inne umaette võistulugõmisõ tetä’, validen vällä kõgõ parõmba’ lõppvõistlusõl esinejä’

LUULÕLUGÕMISVÕISTLUS om neläpäävä, 
MAHLAKUU 24. PÄÄVÄL (24.04) 2014 kell 12.30
Sännä mõisan.

 Hää luulõlugõja saava avvuhinna’.

 Pallõmi osavõtust (lugõja nimi, vannus/klass ja kuul/latsiaid ni oppaja nimi, luulõtusõ päälkiri ja kirotaja) teedä’ anda’ Võro Instituuti (tel. 78 28753/56 916281 vai meili allas.tiia@gmail.com pääle) nika ku 21. 04. 2014

Kõrraldaja’:
Võro Instituut		
MTÜ Sänna Mõisakeskus

Ettevõtmist tugõva: MTÜ Sänna Kultuurimõis
Eesti Kultuurkapital
Rõugõ vald
