õhuLoss

Pall´oq lõunõmaa inemiseq olõ-i härmätüst uma silmäga nännüq, pall´oq keeleq tiiä-i taa jaos sõnnagi, a põh´amaa luudusõh om taa üts kõgõ uhkõmb nättüs.
Ku nesseq tuulõq hämmäse läbikülmänüid mõtso, nakkasõ ossõ ja nõklo pääl kasuma jäänõglaq nigu üts hilkaja, mõtsast pall´o tsillõmb mõts.
Ääsä viil tummõq nõglastuq mähitäs hapra valõhtusõ sisse, härmäst tegünes hõpõtsiid tornõ,  karniisõ, arkaadõ, muinasjutuliidsi lossõ.

Säänestsamma suursugusust nigu härmätüsest, lüü vällä ka ’õhuLossi’ nime ala kogohunu Eesti ehtmekunstnigõ rühmäst.
Nä kuulusõ säändsehe, seo ilma aigu harvas jäänü kunstnigõ lihti, kiä olõ-i unõhtanuq, midä korgõst tundminõ tähendäs.
