Tiidu kohopiimäpakk.
Vali Niilo Tiit, 274. Kõrralik kohopiim joba hulga aigu.

Hää inemise!

Ma olõ Niilo Tiit. Ma tahtsõ õnnõ tuud üteldä, et Norpil om vahtsõnõ kohopiim vällän jah, tävveste õigõ jutt. Ja tuud kah, et är noid kaakõ valigu, kiä säädüisist kinni ei piä. Vali õks minnu. Mu nummõr om katssada säidsekümmend neli. 

Vali Niilo Tiit. Kõrralik kohopiim joba hulga aigu. Kats säidse neli.

Hää inemise!

Ma olõ Niilo Tiit, õks tuu Nopri piimämiis. Ma taha Eenmaa Ivi käest õkva küssü:

Mille omma ti valitsõmisaol Võro valitsõmiskulu katõkõrdsõs kasunu? Ku mu lehm kats kõrd inämb süümä nakkasi, lääsi ma pankrotti. Kas Võro liin om naanu tuuvõrra inämb piimä kah andma?
Mille ti liina võlakuurma kuvvõkõrdõs olõt ajanu? Ma olõ umma meiereid ehitänü õks inämb eurorahaga, selle et nii om kasuligumb. Kas liinan omma tõistmuudu majandusõ säädüse?
Mille tuu Semuehitus teile nii kallis om, et riigihankõ põhimõttõ tuu firma perrä tulõ tetä? Mu sannakorstnat praavitas õks tuu pottsepp, kiä odavampa tege.
Kas tuu om õigõ, et ti tahat Keskliina pargilõ Raiskamisõ Monument nimes panda? 7 miljonni om suur raha külh, a sääne nimi olõ-i õks illos.
Ja viimätses, kas ti tõtõst tahat Võro liinalehe ümbre risti Reformiklikiuudissis?

A seeni, ku mi vastussit ooda, söömi Nopri kohopiimä. Ja ku valima läämi, sis mu nummõr om 274.
