Võro hädäabikõnnõ suunatas maikuun Tartuhe

3. maikuu (lehekuu) pääväst nakkas Võromaalt politsei numbre pääle tulnu kõnnit vasta võtma Tartu juhtmiskeskus.
Kuigi kõrrakaitsmisosakunna päälik Tiit Allik lupa, et kutmisõ pääle tuldas vällä niisama kipõstõ ja määndsitki häti säändsest muumisõst ei tulõ, pelgäse paikligu inemise tuud muutust õks.
Pelätäs päämidselt kattõ asja: telehvoni vastavõtja Tartu liinan tunnõ-i paigapäälitsit teid ja külli.
Kiirabi ja pritsimiihiga om joba säändit häti olnu ja inemise pelgäse, et sama või tulla ka politseiga – ütte juttu tulõ mitu kõrda seletä, selle, et ku liinamiis kotust tunnõ-i, suunas tä kõnnõ õks Võro politseile tagasi.

Viil pelgäse Võromaa inemise, et hädä või tulla ka keelest arvosaamisõga.
Pall'o maainemise kõnõlõsõ õnnõ võro keelen ja mõistaki-i kiräkeelen õigõlõ umma hätä seletä.
Kas liinasaksa õks naidõ jutust arvo saava ja avita mõistva?  

Säändse kõnnõ võiva lehekuust juhtmiskeskusõn egäpäävätses saia:
 
Kõnõ üts:

Kõnõ kats:
