Opilasõ juhõnd

Eesti Kirändüsmuusõumi folkloristiga osakund, Eesti Rahvaluulõ Arhiiv, Tartu Ülikooli eesti ja võrdõlõva rahvaluulõ opituul ja Eesti Folkloori Instituut kõrraldasõq

01.03.2007 – 15.04.2007 
KOOLIPERIMÜSE KORJAMISÕ VÕISTLUSÕ.
Ku Sa otsustat saataq umaq tiidmiseq kooliperimüse korjamisõ võistlusõlõ, sõs oodami, et panõt mano uma kontaktteedüse: nimi, sündümise aig, elokotus, kuul, klass ja ku om, sõs e-aadrõs.
Vastaq kõigilõ küsümüisile, a ku mõni teema õks sukugi ei passiq, sõs tuu jätäq tegemädä.
Ummi mõttit võit kirotaq egä as'a kottalõ, a lühkeseq jah-ei-vastusõq olõ-i hääq.
Innekõkkõ oodami kir'eldüisi (mänguq) ja juttõ (nal'ajutuq, juhtumisõq), laulutekste ja ütlemiisi.
Teemat "Huumor" vastatõn kirotaq umast pääst, är kirotaguq ümbre raamatit ja är võtkuq tekste võõridõ Internetilehekülgi päält.
Ku mõnõ tõsõ teema vastamisõ man netilehti pruugit, sõs panõq sinnä kimmähe mano ka veebiaadrõs.
Kirotaq niimuudu, nigu Sa hariligult sõpruga kõnõlõt ja kirotat.
Ku vastat küsümüisile koton ja ku sul om arvut, sõs kirotaq arvutiga, ku saat.
Saadaq sõs uma tüü failina vai e-kiräga aadrõsi kp@folklore.ee pääle.
Vastadaq võit ka veebikeskkunnan (www.folklore.ee/kp).

Matõrjaaliq tüü mano
Väega oodami egäsugutsit manomatõrjaalõ: fotoq, videoq, lindistüseq, kaustiguq-salmiguq (nt "Minu sõber"), lauliguq jm.
Ku tahat originaali tagasi, sõs teemi tuust koopia ja saadami originaali Sullõ tagasi. A 2007. aasta kooliperimüsest hää pildi saamisõs om meil ka kimmäst arvu originaalõ vaia.
Nii et olõmi väega tenoliguq, ku originaalõ umaniguq ommaq nõun noid arhiivilõ perises andma.

AVVUHINNAQ
Eri vannusõrühmi pääavvuhinnaq ommaq kaamõraq ja arvudiq.
Eripreemiäq ommaq viil eri teemadõ parõmbilõ vastajilõ.
Hindamisõ man arvõstõdas töie kvaliteedi ja kvantiteedi suhet.
Preemiäq ommaq mõtõlduq ka oppajilõ.
Koolilatsi käest om perimüst kor'at sääntside sammu ettevõtmiisi abiga 1920. aastist pääle.
Su vastus avitas alalõ hoitaq ja uuriq täämbädse päävä nuuriperimüst. Vastus hoitas alalõ 1927. aastal tettü Eesti Rahvaluulõ Arhiivi kogon "Kooliperimüs".
Täpsembäq juhõndiq uma tüü vormistamisõs, kavaq küsütlemises, uurmistüü juhõndiq jm lövväti aadrõsi www.folklore.ee/kp päält.

TENNÄMI ÜTENLÜÜMISE IIST!

Toimkund: 
Ave Tupits (koordinaator), avetupits@folklore.ee, 5176 643
Risto Järv, risto@folklore.ee, 7376 214						    
Mare Kõiva, mare@folklore.ee, 7377 740 
Astrid Tuisk, astrid@folklore.ee, 7377 737
Piret Voolaid, piret@folklore.ee, 7377 742

Kontaktaadrõs:
„Koolipärimus”
Eesti Kirjandusmuuseum
Vanemuise 42
Tartu 51003
E-post: kp@folklore.ee
