Avvustõt oppaja!

Eesti Kirändusmuusõumi folkloristiga osakund, Eesti Rahvaluulõ Arhiiv, Tartu Ülikooli eesti ja võrdõlõva rahvaluulõ opituul ja Eesti Folkloori Instituut kõrraldasõq

01.03.2007 – 15.04.2007
KOOLIPERIMÜSE KORJAMISÕ VÕISTLUSÕ.

Võistlus om jakus 1992. aastal ütel ja samal aol Eestin ja Soomõn kõrraldõdulõ kooliperimüse korjamisõ aktsioonilõ.
Seo kogomisvõistlus käü üle terve Eesti.
Ossa võtma kutsutas 4.–12. klassõ opilaisi nelän vannusõrühmän: 4.–5., 6.–7., 8.–9. ja 10.–12. klass.

KUIS KOR'ADAQ?

Küsümüisile tulõ vastadaq katõn jaon: koolin vastaminõ ja opilasõ esisaisva tüü koton.

Koolitunnin
Küsütlüskava .......... teemalõ pallõmi põh'aligult vastadaq koolin vähembält katõ koolitunni joosul.

Koton
............. teemadõlõ vastasõq opilasõq kodotüüs – opilanõ pand kirja ja tuu vastusõq oppajalõ.

Teemaq vällävalituilõ opilaisilõ
Teemaq "Tähtpääväq ja pidoq" ja "Mänguq" jaga oppaja lakja valikulidsõlt mõnõlõ opilasõlõ vai rühmäle (kats-kolm opilast) näide huvvõ silmän piten.
Soovitami, et inne vastamist tetäs veidü uurmistüüd, näütüses küsütäs tõisi opilaisi käest vastussit, salvõstõdas kooli kodolehe päält vai kroonikast vai filmitäs mängõ.
Naid töid hinnatas eripreemijidega.
Kaeq kogomisjuhõndit Internetin (www.folklore.ee/kp).
Küsümüisile või vastadaq vaban vormin, kirja või pandaq kõik niimuudu, nigu miilde tulõ.
Tähtsä om, et är vastatanu terveq teemaq põh'aligult alostusõst lõpuni vällä.
NB! Suurõ hulga anõkduutõ Internetist kopiirminõ ei tiiq tüüd hääs!

Matõrjaaliq tüü mano
Väega oodami egäsugutsit manomatõrjaalõ: fotoq, videoq, lindistüseq, kaustiguq-salmiguq (nt "Minu sõber"), lauliguq jm.
Ku tahati originaali tagasi, sõs teemi tuust koopia ja saadami originaali tagasi. A 2007. aasta kooliperimüsest hää pildi saamisõs om meil ka kimmäst arvu originaalõ vaia.
Nii et olõmi väega tenoliguq, ku originaalõ umaniguq ommaq nõun noid arhiivilõ perises andma.

KÕNÕLGÕQ OPILAISILÕ KIMMÄHE
Digifotoq ja -videoq tulõ ümbre salvõstaq, tähtsä om alalõ hoitaq fotoaparaadi ja videokaamõra edimäne fail.
Naidõ ja Internetist kopeeritüide fotodõ pruukmisõs om vaia umanigu lupa ja lättenäütämist (viidet), kinka tettü fotoq ommaq.
Internetifotodõ mano tulõ pandaq veebiaadrõs, kost fotoq peri ommaq.
Videoidõ ja helüsalvõstuisi, a ka kaustikidõ jm ümbrevõtmisõs ja tagasiandmisõs pallõmi kõnõldaq toimkunna inemiisiga.
Manomatõrjaaliq tegeväq tüü väärtüse suurõmbas, a kimmähe tulõ alati fotodõ-videoidõ-helüsalvõstuisi mano pandaq olokõrra/juhtumisõ seletüs.

Ütsikosavõtjaq
Võistlusõ reegliq lupasõq ossa võttaq ka ütsikosavõtjil. Tuuperäst võivaq kõik tahtjaq ja hääq matõrjaalitundjaq vastadaq kas mõnõlõ teemalõ väega põh'aligult vai sõs võimaligult kõigilõ teemadõlõ.
Arvõlõ võetas nii üten kooliga, ku eräle saadõduq tüüq.

AVVUHINNAQ
Eri vannusõrühmi pääavvuhinnaq ommaq kaamõraq ja arvudiq.
Eripreemiäq ommaq viil eri teemadõ parõmbilõ vastajilõ.
Hindamisõ man arvõstõdas töie kvaliteedi ja kvantiteedi suhet.
Preemiäq ommaq mõtõlduq ka oppajilõ.

OPPAJAL OLÕ-I KOHUSTUST KIROTÕDUT ÜLE KAIAQ
Ku vaia, tulõ opilaisi suunataq ja avitaq, et nä küsümüisist õigõlõ arvu saassi. A pallõmi hoitaq hinnäst tuust, et nakkati parandama opilaisi vastussidõ sissu ja kiräviku. Ärq tõmmakuq maaha ka roppõ ütlemiisi.
Kõik, miä kirja om pant, hoitas originaalkäsikirjun arhiivin alalõ.
Taa võistlusõ mõtõ om tetäq kimmäs mi koolilatsi maailm säänest muudu, nigu taa täämbädsel pääväl om.

VORMISTAMINÕ
Küsütlemise kavaq pallõmi latsilõ kätte jakaq.
Tüü alostusõn tulõ kirotaq teedüs esihindä kottalõ (nimi, sugu, sündümise aasta, kuul, klass, elokotus ja ku om, sõs e-posti aadrõs).
Kirotaq või paprõ pääle: kas koolivihku, A4-formaadin lehe pääle, ku saa, sõs või tüü vormistaq arvutiga (a ei piäq).
Arvudivastussõq või ärq andaq vällätrükitült, a parõmb olõssi, ku saadati vastusõq e-postiga aadrõsi kp@folklore.ee pääle vai arvudiketta pääl.
Vällätrükmisel tulõ lehe kurapoolitsõst veerest jättäq tüh'äs 3 cm köütmise jaos.
Ka vihku vastussit kirotadõn om tähtsä jättäq 3 cm vihu siseveerest köütmise jaos vabas.
Elektroonilidõlt esitedü töie kujondus ja külendüs olõ-i tähtsä.

Täpsembät teedüst kaastüü tegemises, küsütlemise kavaq, juhõndiq uurmistüü jaos jm lövväti aadrõsi www.folklore.ee/kp päält.
TENNÄMI ÜTENLÜÜMISE IIST!

Toimkund:
Ave Tupits (koordinaator), avetupits@folklore.ee, 5176 643
Risto Järv, risto@folklore.ee, 7376 214
Mare Kõiva, mare@folklore.ee, 7377 740
Astrid Tuisk, astrid@folklore.ee, 7377 737
Piret Voolaid, piret@folklore.ee, 7377 742

Kontaktaadrõs:
„Koolipärimus”
Eesti Kirjandusmuuseum
Vanemuise 42
Tartu 51003
