Suvi nakkas pääle Võromaalt!

Oodami teid 25. lehekuu (25.05) hummogu kell ütessä (9.00) Rõugõhe Ööbikuorgo, kon tetäs vallalõ Võromaa turismisuvi!

Rõugõhe!

Rõugõ uma säitsme järve ja Ööbikuoroga om kõgõ ilosamb kotus ilma pääl!
Om urbanipäiv ja kõik nakkas luuma.

Võtami tsirgupetet ja läämi Ööbikuorgo hummogust tsirgulaulu kullõma.

Turismisuvi saa vallategemisel väke naidõ inemiisi hüvvist suuvõst: Võro maavanõmb Tuliku Ülo, Rõugõ vallavanõmb Tootsi Tiit, Võro liinapää Kõosaarõ Kersti, Haani vallavanõmb Gotmansi Juri ja Võro vallavanõmb Ruuda Georg.

Muhhet ja mahhet Võromaa kultuuri näütäse Contra, Pihu Alo Teppo lõõtsaga ja Viitinä laulumehe'.

Ööbikuoro keskusõn om keskhummogunõ tsõõriklaud pannkuukõ ja Võromaa suvõtegemiisi tutvastegemisega.

Päiv lätt edesi käügiga Ööbikuoro torni ja orgo.
Kooni kellä 13.00 uutva küläliisi:
Rõugõ käsitüünaasõ' (Ööbikuoro keskusõn)
Jõgeda Ivar 566 877 00 (Ööbikuoro keskusõn)
Sepä talo ja Reemanni Piitre 516 5626 www.sepp.ee/rouge
Tammõ puhkamismaja ja Kallasõ Ulvi 506 4465 www.hot.ee/tampuhkemaja
Jaanalinnu-põhapõdra talo ja Johansoni Jüri 507 2712 www.hot.ee/optionalix

Õdagu kell säidse (19.00) oodami kõiki Viitinä Järvesaardõ Rõugõ valla laulu- ja tandsupidolõ, miä nakkas pääle rongikäügiga Viitinä mõisasüämest kell puul säidse (18.30).

Võromaa – mahhe ja muhhe
www.visitvoru.ee

Kõrraldasõ:
Rõugõ vald, Võro liin, Haani vald, Võro vald, Võromaa Turismiliit, tugõva Rõugõ valla turismiettevõtja'.

Teedüst saa mano: Jaanus Mark 78 59245, 5217587.
