KEVÄJÄMARU OPPUS

Contra

olõ iks ma mudsu man va
omma silmä rikken mul
mehe laiguvormi kandva
mõtsa all ku piknigul 

om suuroppus pihtä naanu
juttugi ei passmisõst
sada vainlast surma saanu
üttejuttilaskmisõst

valuvahtsõsõst suurtüküst
halvu miihi salgale
mats sai antus - hüdsetükü
jäiva innõ alale

rõõmuga sis võimi nätä
allaandmist massilist
väljuse na pitä-pätä
sõglaslastu massinist

läävä üle miiniväläst
olalt võtva paguni
na ei pelgä pini nälläst
koolu omma nagunii

meite tsurril om nüüd hää miil
saadanas om puruss pest
külä pääle kaema läämi
kinä tütarlatsekest

villänd keväjäsest marust
nüüd sa murol pikuta
laigulidsõst püksüharust
jala vällä sikuta
